山楂杞子桂花果凍 幫助消化紓緩口氣

新年小朋友食多左，又糕點又糖果，吃的太豐富可能會引起消化不良，今次介紹一款大人同小朋友都難以抗拒嘅食療。

山楂杞子桂花果凍中，山楂性味酸甘，有消食化積，行氣的作用，是消化油膩肉食積滯時的必要用藥之一，而枸杞子可補肝腎、明目功效；桂花則性味辛溫，有溫補陽氣，暖胃、平肝的作用，亦可紓緩口氣症狀。

但醫師提醒糖尿病人不宜食用過多。

另外進食前先放置室溫放置一陣，唔好食咁凍，食得健康啲！

= = 食 材 = =

山楂 100克 | 桂花 2克

枸杞子 20克 | 蒟蒻粉 1湯匙

冰糖 適量 | 水 1000毫升

= = 做 法 = =

1. 首先將桂花放入茶袋用大約攝氏85度熱水浸泡5分鐘備用；
2. 山楂、杞子洗淨，再浸水10分鐘，放入魚湯袋瀝乾備用；
3. 於煲中加入水及載有山楂、杞子的魚湯袋，用中火煲20分鐘後，然後取出魚湯袋；
4. 加入桂花茶及煮溶冰糖後，就可以加入蒟蒻粉慢慢攪拌，拌勻後關火；
5. 最後倒入啫喱杯內，可於每個啫喱杯中加入4至5粒浸泡過的杞子，放入雪櫃冷藏至凝固便完成。