停課不停學湯水介紹
成日坐係屋企HOME SCHOOL，活動範圍唔多，但個口又痕不停問媽咪攞食，又糖又餅，攪到2-3日先去到POOPOO，不如大家都煲下E兩款湯水俾小朋友，又可以增強記憶力，又可以改善腸胃。
1. 益智水果湯（2-3人份量）
材料：萍果1個、梨1個、無花果3-4粒、合桃10-15粒
做法：把萍果、梨洗淨切丁（可保留果皮），無花果，合桃洗淨備用。將無花果，合桃先放入鍋內加適量水，大火煮30分鐘，之後再把萍果、梨加入鍋中再煮20分鐘，即可飲用。
功效： 增強記憶力，生津解渴。
2. 木瓜紅棗瘦肉湯（2-3人份量）
材料：木瓜1個、紅棗5-6粒、瘦肉4兩-半斤
做法：瘦肉先飛水備用，木瓜去皮去核切丁備用，紅棗洗淨去核。將瘦肉、紅棗先放入鍋內加適量水，大火煮15-20分鐘，之後再把木瓜加入鍋中再煮25-30分鐘，加鹽即可飲用。
功效： 健脾消食，潤腸通便。
注意：平時易肚瀉的小朋友不宜飲用。
